MarCha A Coruña

Leitariegos 2012

2012-02-12T14:59:00.001+01:00

Este mes de febreiro veñen de ter lugar as xa clásicas saídas de MarCha A Coruña a Leitariegos. O venres 3 viaxaron os rapaces de 1º e 4ºESO, xunto cos de Bacharelato, mentres que os de 2º e 3ºESO fixérono unha semana despois, o día 10.

Algúns dos nosos marchosos aproveitaron para poñerse os esquís, no entanto o resto do grupo gozaba tirándose en pás e trineos polas encostas totalmente nevadas, facendo bonecos e mesmo unha casopa con bloques de neve e xeo.

A meteoroloxía acompañou este ano, e en ambas as dúas datas luciu o sol, e a neve foi máis que abundante, polo que a aventura deste curso en Leitariegos foi realmente magnífica.
Velaquí algunhas imaxes!

Boletín "e-Cristo Rey" de decembro

2011-12-05T21:41:00.000+01:00

Saíu xa o novo boletín colexial. Por suposto podes ver nel o resumo da actividade mensual de MarCha (páxina 2) e de paso saber que é todo o que se coce no colexio. Consúltao a través do seguinte enlace!!

Ximkana 2ºESO

2011-11-19T16:17:00.000+01:00

Nestas dúas últimas semanas, con actividades en case todos os cursos, hai que resaltar a Ximkana na que participaron os nosos marchosos de 2ºESO á saída do colexio o venres 18. Velaquí están as fotos!

Noite do Terror 1ºESO

2011-11-05T11:35:00.003+01:00

O venres 4 de novembro o medo invadiu o noso colexio e os marchosos de 1ºESO puideron sentir verdadeiro pánico na nosa Noite do Terror.

Tras unha película, que moitos nin sequera puideron aturar, caracterizámonos para vivir unha arrepiante aventura: a Viaxe do Terror. O colexio, con todas as luces apagadas, encheuse das trémulas sombras das candeas, de gritos de medo, de sangue,... e de estrañas personaxes ás que os nosos varudos marchosos tiveron que facer fronte para acadar a súa meta e rematar a viaxe.

Finalmente todos superaron a proba, demostrando así que están preparados para vivir calquera aventura que se lles presente con MarCha!

Boletín "e-Cristo Rey" de novembro

2011-11-02T15:44:00.001+01:00

Xa saíu o boletín colexial do mes de novembro, e inclúe, entre outras moitas cousas, un amplo resumo con fotos de toda a actividade de MarCha durante o mes pasado!

Non deixes de lelo, descargándoo dende a páxina web colexial ou dende este enlace!

Achégase o Terror...

2011-10-26T20:26:00.002+02:00

O verdadeiro medo chegará a MarCha o próximo venres 4 de novembro, nunha noite só apta para os aventureiros máis valentes de 1ºESO. Xa podes descargar a circular para apuntarte á nosa Noite do Terror dende aquí.

VEN SE TE ATREVES!!

Convivencia en Perbes de 1ºESO

2011-10-16T15:50:00.001+02:00

Despois da presentación nas aulas, por fin os rapaces de 1ºESO puideron vivir a súa primeira aventura con MarCha. Tratouse dunha convivencia no albergue marista de Perbes, os días 14 e 15 de outubro, na que non faltaron xogos, cancións, deporte, ximkanas nin tempos persoais e para compartir.

Os futuros marchosos gozaron así dun estupendo día no que mesmo houbo a posibilidade de achegarnos á praia a disputar unhas olimpíadas. Ogallá a súa viaxe canda MarCha sexa longa e vivan así con ela moitas aventuras máis nos vindeiros tempos!

Convivencia Perbes 2ºESO

2011-10-13T23:47:00.001+02:00

Os pasados días 30 de setembro e 1 de outubro os MarChosos de 2ºESO comezaron a súa andaina na aventura MarCha 2011-2012. E nada mellor para iniciar esta viaxe, co lema de "Un barco, unha aventura", que unha convivencia pirata no albergue de Perbes.

Só se pode dicir unha cousa sobre esta actividade: Todos a bordo!! Zarpamos!!!

Presentación en 1ºESO

2011-10-09T00:53:00.003+02:00

O pasado día 30 de setembro presentáronse os grupos MarCha en 1ºESO. Despois dunha explicación na aula sobre o que é MarCha e dun vídeo con fotos das actividades do ano pasado, os rapaces baixaron coñecer a Sala MarCha e puideron gozar dalgún xogo para irse familiarizando co noso estilo.

Agardamos que este pequeno contacto sexa o principio dunha gran experiencia que acompañe a moitos deles nos vindeiros anos!